TIGILDE KELME: Lewru Juko nduu addii kadi fertunde e tigille!
Dernière mise à jour : ( 22-08-2017 )
 

Ecrit par IBRAAHIIMA MALAL SAAR, le 22-08-2017 10:10

Pages vues : 1484    

Publié dans : Pulaar e ganndal ɗemɗe, Jeux de mots et d'esprit


Image
M
usidɓe Fulɓe, ndado-ɗee! Tigilde men hesere ndee arii, yettiima ɗoo. Ngol-ɗoo laawol kam, soklaani ko miɗo ɓetana-on toosgol mayre, oɗon nganndi mi yiɗaa ko alaa kaata, ko ŋakki ñomoko, ɗawaa cekkiri. Fof ena e mayre, so a wiyi ŋato-ŋato Ngaandi tan, ko ɗoo tawetee e mayre! Nganndi noon so ŋatii, aannii sabu ŋaañotaako! Hoto hay gooto sikku kadi ena waawi heɓde sige ko ena nofloroo haa yettoo ngaanndi, gasataa. Etinooɓe poɗɗe pasooje ɗee nana lofii e maayo nimsa e haame! Min wiyino-on mi jeelaani, on njaɓaani: no wayi?
Jammaaji keewɗi ɗi ɗaanaaka tuma nde keblat-mi ndee tigilde, ko e mon ngittat-mi guut am! Ndogee, on kawraani heen! Mbete dogdu ena dannda nih? Hay so ena danndatnoo, ko lella foti naftoraade. Onon kam, kawree e kuɗi mon ngoppon bojji ɗii. Ndo, e doombi mon, sabu oɗon nganndi ko e Enternet tigilde ndee waɗotoo, wonande jogiiɓe ordinateer walla taable. Weeɓaani waɗde e cinndel so wonaa keɓanen ɗum jaaɓngal (App) keeriiɗo. Ko e eɓɓo mum wonaa. Hikka noon, en mbaɗtii yaltinde tigille ɗee e jaaynde men Fooyre Ɓamtaare, jooɗiinde no Nuwaaksoot, leydi Muritani. Caggal kawral amen to Pari, omo ari tawtoreede golle Mozilla e ɗemngal Pulaar, miin e Bookar Aamadu Bah, kalfinaaɗo jaaynde ndee, min nanondiri e ɗuum. Wadde janngiyaŋkooɓe Fooyre Ɓamtaare ena mbaawi jiñtude tigille ɗeen so ɓe keɓii jaaynde ndee. Tigilde yaltoore e Pulaagu ndee noon, ɓurata tiiɗde e yeewde kelme.
Miɗo wortoroo ndee winndannde raɓɓere njettoor huccude e kala jiktiyaŋke tampuɗo e tigille ɗee. Miɗo wiya on yo en pammin ɓe nganndaano tigilde kelme no ɗum yahrata. Miɗo heewi heɓde naamne ɓaɗte mum, kono yaajeende alaa ngam haaldude e mokala. Oɗon mbaawi tugnaade e widewoo mon mbaɗno-ɗen e dumunnaaji ɓennuɗi ɗii ngam addude oon faamamuuya. Widewoo oo ena heɓoo e ngol jokkol.

Tigilde ndee nani ɗoo:

Image

Image  


 

Oɗon mbaawi yaltinde tigilde ndee e ɗerewol ngam jiñtirde junngo.

Vous pouvez imprimer la grille pour la résoudre à la main.

 

Musiɗɓe tedduɓe, yoo ngaanndi huɓɓu! Ñallen e jam!

Kuɗol Ibraahiima Malal Saar

 

 

 

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...






ON NJAARAAMA FULƁE...


* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.





   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : tigilde kelme, crosswords, Fulah, Pulaar, kelmeendi, jaŋde, fulfulde, fulani, ibrahima malal sarr


Commentaires utilisateurs  Fil RSS des commentaires
 

Evaluation utilisateurs

   (0 vote)

 


Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
341         2TT      
J      8    X F   T6L
7F2   B23   9PS      
  R    I    N S   ETB
EBM         7DP      
   
   

Aucun commentaire post



mXcomment 1.0.7 © 2007-2017 - visualclinic.fr
License Creative Commons - Some rights reserved